İlham Əliyev Myanma İttifaqı Respublikasının Prezidentini təbrik edib

Azərbaycan, Bakı, 4 yanvar /Trend/

Azərbaycan Prezidenti İlham Əliyev Myanma İttifaqı Respublikasının Prezidenti Theyn Seyni təbrik edib.

"Hörmətli cənab Prezident, Milli bayramınız - Müstəqillik günü münasibətilə Sizə və bütün Myanma xalqına ən səmimi təbriklərimizi yetirməkdən məmnunluq duyuram. Ümidvaram ki, Azərbaycan ilə Myanma arasındakı əlaqələr daha da inkişaf edərək əməkdaşlığımızın genişlənməsinə töhfəsini verəcəkdir. Bu əlamətdar gündə Sizə möhkəm cansağlığı, işlərinizdə uğurlar, dost xalqınıza əmin-amanlıq və tərəqqi arzulayıram" İlham Əliyev təbrik məktubunda deyib.