Azərbaycan, Bakı, 1 fevral /Trend, müxbir E.Tariverdiyeva/
İran fevralın 1-3-də keçiriləcək 49-cu Münhen təhlükəsizlik konfransında iştirak edəcək. Bu barədə Trend cümə günü Press TV-yə istinadən məlumat verir.
Ölkəni konfransda xarici işlər naziri Əli Əkbər Salehi təmsil edəcək.
"Təhlükəsizlik konfransı hər il keçirilir və İran bu il konfransda iştirak edəcək", - Salehi jurnalistlərə deyib.
Konfransın əsas müzakirə mövzuları Avropadakı böhran və Aİ-nin gələcəyi, Avroatlantik birliyin perspektivləri, Cənub-Şərqi Avropa və Qafqazda təhlükəsizlik və sabitlik məsələləri olacaq.
Konfrans çərçivəsində Mali, Misir və Suriyada davam edən böhran, İran məsələsi diqqət mərkəzində olacaq.