Azərbaycan, Bakı, 13 fevral /Trend, müxbir A.Tağıyeva/
Bu gün iqtisadi planda Avropa İttifaqının (Aİ) Türkiyəyə ehtiyacı Türkiyənin ona olan ehtiyacından daha çoxdur. Bunu Türkiyənin Aİ işləri üzrə naziri Egemen Baxış bildirib. Trend-in məlumatına görə, bu barədə Türkiyənin "Doğan" agentliyi xəbər yayıb.
Nazir qeyd edib ki, Türkiyənin Avropa İttifaqına daxil olması Aİ ölkələrinə iqtisadi böhranı sürətlə həll etməyə kömək edər.
"Türkiyə stabil inkişaf edən iqtisadiyyatla mütərəqqi ölkəyə çevrilir. Türkiyənin indi Aİ-yə daxil olması Türkiyədən daha çox bu qurum üçün əhəmiyyətlidir", - Baxış bildirib.