Azərbaycan, Bakı, 11 iyun / Trend, müxbir S.Əhmədova /
Avropa Şurası Parlament Assambleyası (AŞ PA) Monitorinq Komitəsinin həmməruzəçiləri Pedro Aqramunt və Cozef Debono Qrex Azərbaycanda səfərdədirlər.
AŞPA-nın Bakı ofisi bu məlumatı Trend-ə təsdiqləyib.
Səfər çərçivəsində həmməruzəçilər Milli Məclisin sədri Oqtay Əsədov və digər rəsmilərlə görüşəcəklər.
Trend-in məlumatına görə, səfər iyunun 14-nə kimi davam edəcək.
Məlumatda bildirilir ki, Pedro Aqramunt və Cozef Debono Qrex səfərin yekunlarına həsr olunmuş mətbuat konfransı keçirəcəklər.