Azərbaycan, Bakı, 16 sentyabr /Trend/
Suriya hökuməti BMT Təhlükəsizlik Şurasının müvafiq qətnaməsinin təsdiq olunmasından dərhal sonra Rusiya-ABŞ razılaşmasının kimyəvi silah arsenalının ləğv edilməsi üzrə bütün tələblərini yerinə yetirməyə tam hazırdır. Trend-in məlumatına görə, bu barədə "Frans Press" agentliyi Suriyanın informasiya nazirinə istinadən xəbər yayıb.
Nazir Umran əz-Zubi bəyan edib ki, Suriya BMT-nin istənilən qətnaməsinə əməl etməyi öhdəliyinə götürüb:
"Biz Rusiyanın kimyəvi silahın məhv edilməsi üzrə planını qəbul edirik. Biz artıq siyahımızı hazırlamağa başlamışıq".