Azərbaycan, Bakı, 8 noyabr /Trend, müxbir R.Hafizoğlu/
Türkiyədə müxalifətdə olan Milliyyətçi Hərəkat Partiyasının (MHP) sədr müavini, millət vəkili Yusif Halaçoğlu İstanbuldakı Ayasofya muzeyinə yenidən məscid statusu verilməsi təklifi ilə çıxış edib.
Trend-in "CNN Türk" telekanalına istinadən verdiyi məlumata görə, tarixi abidənin məscid statusunun qaytarılması üçün Türkiyə Böyük Millət Məclisinə (parlament) müraciət olunub.
Qeyd edək ki, bundan əvvəl Türkiyənin müxalif Böyük Birlik Partiyası da Ayasofya muzeyinə məscid statusunun verilməsi təklifi ilə çıxış etmişdi.