Azərbaycan, Bakı, 8 fevral / Trend /
Kiprin yunan və türk hissələrinin nümayəndələri yenidən birləşmə barədə danışıqların bərpa edilməsi ilə razılaşıblar. Bu barədə Trend BBC telekanalına istinadən məlumat verir.
Danışıqlar artıq gələn həftə başlaya bilər, lakin hələlik tərəflər öz üzərinə heç bir öhdəlik götürməyiblər.
Danışıqların "yol xəritəsi"nin müzakirəsi bir neçə ay davam edib.
BMT qüvvələrinin nəzarəti altında olan bufer zonası adanı indiyədək iki hissəyə bölüb.
Şimali Kipr 1983-ci ildə müstəqilliyini elan edib, lakin indiyədək Şimali Kipr Türk respublikası yalnız Türkiyə tərəfindən rəsmən tanınıb.