...

HƏMAS İsrail ordusunun zabitini əsir götürüb

Siyasət Materials 1 Avqust 2014 18:08
HƏMAS-ın hərbi qanadının nümayəndələri Qəzza sektorunda İsrail ordusunun zabitini əsir götürüblər.
HƏMAS İsrail ordusunun zabitini əsir götürüb

Trend-i buradan izləyin

Azərbaycan, Bakı, 1 avqust /Trend, müxbir Rufiz Hafizoğlu/

HƏMAS-ın hərbi qanadının nümayəndələri Qəzza sektorunda İsrail ordusunun zabitini əsir götürüblər. Trend-in "Anadolu" agentliyinə istinadən verdiyi məlumata görə, bunu HƏMAS-ın siyasi bürosunun rəhbəru Mussa Əbu Marzuk deyib.

Onun sözlərinə görə, israilli zabit atəşkəs elan edilməmişdən öncə qaçırılıb.

Qeyd edək ki, avqustun 1-də İsrail Qəzza sektorunda BMT-nin baş katibi Pan Gi Munun və ABŞ-ın dövlət katibi Con Kerrinin təklif etdiyi üç günlük humanitar barışığa razılıq vermişdi.

C.Kerri Hindistana səfəri zamanı tərəflərin 1 avqust saat 08:00-dan etibarən atəşkəs barədə razılığa gəldiyini bəyan etmişdi.

Bir müddət əvvəl Fələstin müqavimət hərəkatının bütün fraksiyalarının Qəzzada İsraillə 72 saatlıq barışığa razılıq verdiyini HƏMAS da təsdiqləmişdi.

Lakin atəşkəs rejimi 2 saatdan çox davam edib və İsrail Qəzza sektorunda hərbi əməliyyatlara davam etdiyini açıqlayıb.

Qeyd edək ki, İsrailin iyulun 7-dən başladığı hərbi əməliyyat nəticəsində indiyədək aralarında uşaq və qadınların da olduğu 1500-dən çox fələstinli öldürülüb, 7 mini isə yaralanıb.

İsrail ordusu isə 131 hərbçisini itirib.

Məqalədə:
Xəbər lenti

Xəbər lenti