Azərbaycan, Bakı, 23 iyul /Trend, müxbir Anaxanım Hidayətova/
Azərbaycan "İpək yolu" layihəsində vacib rol oynayır. Trend-in məlumatına görə, bunu Bakıda jurnalistlərə ABŞ dövlət katibinin köməkçisinin müavini Riçard Hoqland deyib.
Onun sözlərinə görə, ticarəti inkişaf etdirmək çox vacibdir: "Bu layihənin böyük perspektivləri var. Bu məsələni Azərbaycanın xarici işlər naziri ilə müzakirə etdim".
R.Hoqland qeyd edib ki, Azərbaycan daşınma məsələlərində vacib rol oynayır: "İpək yolu" layihəsinin müzakirəsi gedir, hələ konkret qərar qəbul edilməyib".