Bakı. Ləman Zeynalova - Trend:
Fəthullah Gülən hərəkatı ötən ilki hərbi çevriliş cəhdinədək olduğu qədər güclü deyil.
Trend-in məlumatına görə, bunu Bakıda Türkiyənin Azərbaycandakı səfiri Erkan Özoral hərbi çevriliş cəhdinin ildönümünə həsr olunmuş mətbuat konfransında deyib.
Onun sözlərinə görə, çevriliş cəhdindən sonra bu hərəkatla əlaqəli olan 130-140 min nəfər saxlanılıb, onlardan 45 min nəfərinə həbs cəzaları verilib.
Səfir onu da qeyd edib ki, F.Gülənin ekstradisiya olunması ilə bağlı ABŞ ilə danışıqlar davam etdirilir.