Bakı. Trend:
Viyanada Azərbaycanın xarici işlər naziri Elmar Məmmədyarovun ermənistanlı həmkarı Edvard Nalbandyanla keçirilən görüşü başa çatıb.
Bu barədə Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev özünün "Tvitter" səhifəsində yazıb.
21:12
Azərbaycanın xarici işlər naziri Elmar Məmmədyarov hazırda ermənistanlı həmkarı Edvard Nalbandyanla görüşür.
Bu barədə Trend-ə Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev deyib.
H.Hacıyev qeyd edib: "ATƏT-in Minsk qrupunun həmsədrlərinin vasitəçiliyi ilə Elmar Məmmədyarov Ermənistanın xarici işlər naziri ilə Vyanada görüş keçirir. Substantiv, intensiv və konkret müzakirələr Ermənistan-Azərbaycan, Dağlıq Qarabağ münaqişəsinin tezliklə həll olunması üçün vacibdir".
Qeyd edək ki, nazir səfəri çərçivəsində ATƏT-in Minsk qrupunun həmsədrləri ilə görüşüb və 7-8 dekabr tarixlərində keçiriləcək ATƏT Nazirlər Şurasının 24-cü iclasında iştirak edəcək.
ATƏT Nazirlər Şurasının iclasında E.Məmmədyarovun çıxışı və bir sıra ikitərəfli görüşləri nəzərdə tutulub.