Bakı. Orxan Nəbiyev - Trend:
Xarici İşlər Nazirliyi (XİN) Meron dağı yaxınlığında keçirilən Laq Ba-omer dini mərasimi zamanı yaranan izdihamda 44 nəfərin ölümü ilə bağlı İsrailə başsağlığı verib.
Trend-in məlumatına görə, bu barədə XİN-in rəsmi "Twitter" səhifəsində yazılıb.
Məlumatda bildirilir: "Meron dağında baş vermiş faciəvi hadisə bizi çox kədərləndirdi. Dəhşətli hadisədə həlak olanların ailələrinə, eləcə də İsrail hökumətinə və xalqına dərin hüznlə başsağlığı veririk. Yaralıların tezliklə sağalmasını arzu edirik".