Bakı. Trend:
Azərbaycan Qarabağ bölgəsində yaşayan erməni sakinlərə yaşamaq üçün lazımi təminatı göstərməyə hazır olduğunu təklif edib.
Trend xəbər verir ki, bunu Azərbaycan Xarici İşlər Nazirliyinin mətbuat xidməti idarəsinin rəhbəri Ayxan Hacızadə "X" (tvitter) sosial şəbəkə hesabında qeyd edib.
"Azərbaycanın xoş niyyətinin dəfələrlə rədd edilməsi səslənən bütün iddiaların əsassız olduğunu nümayiş etdirir. Azərbaycan Qarabağ bölgəsində yaşayan erməni sakinlərə yaşamaq üçün lazımi təminatı göstərməyə hazır olduğunu təklif edib. Almaniya xarici işlər naziri Annalena Berbokun səsləndirdiyi ifadələr yalançı erməni təbliğatının məhsuludur", - deyə A.Hacızadə əlavə edib.