Bakı. Trend:
Azərbaycanlı əsirlər qul kimi işlədilib, işgəncələrə məruz qoyulub,
əsirlər vasitəsilə Azərbaycanda terror hadisəsi törədilib.
Trend-in məlumatına görə, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupu rəhbərinin müavini Eldar Səmədov bu gün Azərbaycanda itkin düşmüş şəxslər probleminə həsr olunmuş brifinqdə deyib.
O qeyd edib ki, Ermənistan əsir və girov götürülmüş, itkin düşmüş şəxslərlə bağlı əməkdaşlıqdan imtina edir.
“Ona görə ki, Ermənistanın törətdiyi qatı cinayətlərin üstü açılacaq”, - deyə o qeyd edib.