Bakı. Trend:
"Baku Network" ekspert platformasında "Tofiq Abbasovla dialoq" analitik videolayihəsinin növbəti buraxılışı yayımlanıb.
Trend xəbər verir ki, verilişin qonağı Milli Məclisin deputatı Cavanşir Feyziyev olub.
Qarabağın erməni azlığının Azərbaycan cəmiyyətinə reinteqrasiyası yolundakı maneələrdən danışan deputat qeyd edib ki, separatçılar uydurma "humanitar böhran"dan şəxsi məqsədləri üçün istifadə edirlər və Qarabağın erməni əhalisinin taleyi barədə düşünmürlər.
"Humanitar böhran yoxdur. Əks halda onlar istənilən marşrutla istənilən humanitar yükü qəbul edərdilər. Qarabağın erməni əhalisindən danışanda iki seqmenti ayırmaq lazımdır: adi vətəndaşlar və separatçı rejim", - o deyib.
Trend verilişin tam buraxılışını oxucuların diqqətinə çatdırır:
(Tərcümə: Rəna Əbdürəhmanova)
