...

Ermənistanın Azərbaycan ərazisində “boz zona” saxlamaq cəhdləri dəf edilib - XİN rəhbəri

Siyasət Materials 22 Sentyabr 2023 00:59 (UTC +04:00)
Ermənistanın Azərbaycan ərazisində “boz zona” saxlamaq cəhdləri dəf edilib - XİN rəhbəri
Ləman Zeynalova
Ləman Zeynalova
Bütün xəbərlər

Bakı. Trend:

Ermənistanın Azərbaycan ərazisində “boz zona” saxlamaq cəhdləri dəf edilib.

Trend xəbər verir ki, bu barədə xarici işlər naziri Ceyhun Bayramov BMT Təhlükəsizlik Şurasının Qarabağla bağlı müzakirələr zamanı deyib.

O qeyd edib ki, sadəcə 24 saat ərzində qanunsuz birliklərin 90-dan artıq postu ələ keçirilmiş, 20 döyüş
maşını, 40 artilleriya qurğusu, 30 minaatan, 6 elektromaqnetik döyüş sistemləri və 2 hava
hücumundan müdafiə sistemləri zərərsizləşdirilib.

"Ermənistanın ağır hərbi vasitələrinin şəkilləri mövcuddur. Tamamilə aydındır ki, bu hücum texnikası Azərbaycan
ərazisində “sülh” məqsədləri üçün yerləşdirilməmişdi. Heç bir suveren dövlət öz ərazisində belə qanunsuz hərbi mövcudluğu qəbul edə bilməz. Azərbaycan da bunu edə bilməz. Azərbaycan özünün bütün sakinlərinin sağlamlığı və
təhlükəsizliyini qorumaq məqsədilə beynəlxalq hüquq və öz Konstitusiyasından irəli gələn
hüquqlarına tamamilə uyğun hərəkət etmişdir. Beləliklə, Ermənistanın Azərbaycanın suveren ərazisində qüvvədən qanunsuz istifadə etməklə yeni status-kvo yaratmaq və “təmas xətti məntiqi”nə əsaslanaraq boz zonanı
saxlamaqla bağlı sistematik cəhdləri dəf edilmişdir", - deyə nazir bildirib.

Məqalədə:
Xəbər lenti

Xəbər lenti