Bakı.Trend:
Azərbaycanın göstərdiyi güclü siyasi iradə, təkcə onun torpaqları işğaldan azad etməsinə yox, həm də həmin əraziləri bərpa edə bilməsinə imkan verib.
Bunu Trend-ə Doha Aspirantlar Universitetini və Ekster Universitetini təmsil edən təhlükəsizlik məsələləri və hərbi tədqiqatlar üzrə professor Ömər Aşur “Yeni Dünya Düzəninə doğru” mövzusunda Bakıda keçirilən 7-ci ADA Siyasi Forumu çərçivəsində verdiyi açıqlamada bildirib.
“Biz Xankəndidə olduq, Şuşanı və orada aparılan yenidənqurma işlərini gördük”, - deyə o bildirib.
Ekspert ölkənin işğaldan azad edilmiş ərazilərdə aparılan bərpa işlərini təqdir edib.
Ö.Aşur, eyni zamanda, regionda eskalasiyaların səngiyəcəyinə, Cənubi Qafqazda sülhün bərpa olacağına ümidini ifadə edib.