Qara Dəniz İqtisadi Əməkdaşlıq Təşkilatı (QİƏT) çərçivəsində əməkdaşlıq perspektivləri Azərbaycanın xarici işlər naziri Elmar Məmmədyarovla təşkilatın baş katibi Tedo Caparidzenin görüşündə müzakirə olunub. Bu barədə Trend ə XİN-də məlumat verilib.
Görüşdə təşkilat çərçivəsində əməkdaşlığın inkişafı məsələlərinə dair fikir mübadiləsi aparılıb. Tərəflər həmçinin QİƏT-yə üzv ölkələrin xarici işlər nazirlərinin oktyabrda Kişinyovda keçiriləcək görüşlərinə hazırlıq məsələlərini müzakirə edib.
Əsas diqqət Aİ, GUAM kimi beynəlxalq təşkilatlarla əməkdaşlığın inkişafına yönəldilib. Azərbaycanın XİN başçısı və QİƏT baş katibi energetika, nəqliyyat, həmçinin təşkilati məsələləri müzakirə ediblər.