"Namizədliyni Demokratik Azərbaycan Blokundan (DAB) irəli sürməkdə gecikən Rafael Hüseynovun günahı özündədir" Bu barədə Trend agentliyinə DAB-da təmsil olunan Vətəndaş Həmrəyliyi Partiyasının (VHP) sədri, millət vəkili Sabir Rüstəmxanlı bildirib.
VHP sədri onu da vurğulayıb ki, R.Hüseynov sənədlərini DAB-a gec təqdim edib: "Artıq seçki siyahısı hazır idi. Həm də o, sənədlərini təqdim edən zaman mən Bakıda olmamışam"
Məsuliyyət daşıdığı üçün partiya tərəfindən hansısa bir cəza alacağı məsələsinə gəldikdə S.Rüstəmxanlı R.Hüseynovun VHP-yə aidiyyatı olmadığını bildirib: "Sadəcə olaraq partiyanın ziyalılar qrupunda təmsil olunur"R.Hüseynov namizədliyini müstəqil şəkildə 58 saylı Hacıqabul-Kürdəmir seçki dairəsindən irəli sürüb.
