Gəncənin girəcəyində, 723 saylı polis post patrul məntəqəsində sağlamlıq şəhadətnaməsi olmadığına görə 300 kq-a yaxın iri və xırda buynuzlu heyvan əti saxlanılıb. Gəncə şəhər Baytarlıq İdarəsi əməkdaşlarının hadisə yerində apardığı ilkin analizdən məlum olub ki, ət ölmüş heyvan ətidir. Saxlanılan Ağcabədi rayon sakini Saleh İsmayılov bildirib ki, o, bu əti Gəncəyə satmaq məqsədi ilə aparırmış. O, şəhərdə fəaliyyət göstərən kolbasa sexlərinə ətin hər kiloqramını 5000 manata satmaq niyyətində olub. Hadisə ilə bağlı Gəncənin Kəpəz rayon polis idarəsində araşdırma aparılır. Saleh İsmayılovu inzibati cəza gözləyir. O bildirib ki, şəhərə belə ətləri tez-tez gətirir.
...