Yeni Azərbaycan Partiyasının (YAP) icra katibi, millət vəkili Əli Əhmədovun rəhbərlik etdiyi nümayəndə heyəti aprelin 3-də axşam saatlarında Çin Xalq Respublikasının Kommunist Partiyasının dəvəti ilə Çinə səfər edəcək. Bu barədə Trend ə YAP-ın mətbuat xidmətinin rəhbəri Hüseyn Paşayev bildirib.
Nümayəndə heyətinin tərkibinə partiyanın icra katibinin müavini, millət vəkili Səyavuş Novruzov, parlamentin sosial-siyasət daimi komissiyasının sədri Hadı Rəcəbli, millət vəkili Ərəstun Cavadov və partiyanın İdarə Heyətinin üzvü Kərim Kərimov daxildir. Qeyd edək ki, səfər aprelin 4-dən 11-dək davam edəcək.
Səfər çərçivəsində YAP-ın nümayəndə heyəti Çin Kommunist Partiyasının rəhbərləri, dövlət rəsmiləri ilə görüşlər keçirəcək. Səfərin əsas məqsədlərindən biri də hər iki dövlətin hakim partiyası arasında gələcək əməkdaşlıqın pespektivlərini müzakirə etməkdir.