Ana Vətən Partiyasından (AVP) heç bir qopma baş verməyib. Bu barədə Trend ə AVP sədri, millət vəkili Fəzail Ağamalı bildirib.
Qeyd edək ki, adıçəkilən partiyadan sədrin üç müavininin - Əkbər Qoşalı, Azər Mənsimli və Etibar Quliyevin F.Ağamalının siyasətinə etiraz əlaməti olaraq istefa verdikləri bildirilib. Partiya sədri isə qeyd edib ki, yalnız Əkbər Qoşalı öz ərizəsinə əsasən tutduğu vəzifədən uzaqlaşdırılıb: "Digər müavinlərim isə öz fəaliyyətlərini davam etdirirlər".
F.Ağamalı onu da bildirib ki, rəhbərlik etdiyi partiyadan qopmalarla bağlı xəbərlər Müsavat Partiyasının orqanında nəşr edildiyindən bunu da başa düşmək asandır: "Həmişəki kimi bu partiya və orqanı ana vətənçilərə böhtan atır".