Gəncə Bölgə Qanköçürmə Mərkəzindən verilən məlumata görə, Qərb bölgəsində 55 nəfər hemofilya və talassemiya xəstəliklərindən əziyyət çəkir. Bu xəstələr içərisində uşaqlar da var, böyüklər də. Mərkəzin həkim-hemotoloqu Solmaz Zeynalovun verdiyi məlumata görə, xəstələrin 30-u hemofilyalı xəstələrdir. Belə xəstələr daha çox Şəmkir rayonundadır.
Daşkəsən və Yevlax rayonlarında isə daha çox talassemiyalı xəstələr var. Solmaz Zeynalova bildirir ki, talassemiyalı xəstələrə ayda 2-3 dəfə qan vurulmalıdır, lakin donorların azlığı problem yaradır.
İldə demək olar ki, 10-13 belə xəstə qan olmamasından əziyyət çəkərək dünyasını dəyişir.