İyunun 28-də Bakıda Azərbaycanın Milli bələdiyyələr assosiasiyasının (MBA) yaranma layihəsi üzrə işçi qrupun dördüncü iclası başlanıb.
25 bələdiyyə üzvünün daxil olduğu MBA-nın işçi qrupu AŞ-ın Yerli və regional özünüidarə orqanları konqresinin (KMPB) dəstəyi ilə yaradılıb. Assosiasiya nizamnaməsinin son layihəsi 2007-ci ilin yanvar ayında keçiriləcək MBA-nın rəhbər qrupunun seminarının müzakirəsinə veriləcək, sonra isə layihə MBA-nın Rəhbər Forumunun təsdiqinə göndəriləcək.
Bu il mayın 6-7-də Bakıda işçi qrupun üçüncü görüşü olub. MBA-nın yaranması üzrə proqramın layihə direktoru KMPB nümayəndəsi Karolin Martindir, maliyyə xərcləri isə Norveç höküməti tərəfindən ödənilir.
Xatırladaq ki, işçi qrupun ikinci iclasının yekunlarına görə (Bakı, 8-9 fevral 2006-cı il) onun rəhbərliyi seçilib. Tahir Quliyev qrupun rəhbəri, Gülnaz Salamova, Şəmistan Yusifov və Ramil Mustafayev isə onun müavinləri seçiliblər.
İşçi qrupun rəhbərləri artıq 23-24 fevral 2006-cı ildə Strasburqda keçirilmiş Avropa Şurası KMPB-nin yığıncağına dəvət olunmuşdular.