Gəncə şəhər İcra Hakimiyyəti başçısının müavini Şahmalı Cavadov qaz pullarının yığımı ilə bağlı bu gün gəncəlilərə müraciət edib. O bildirib ki, bir neçə gün bundan əvvəl şəhərə qazın verilişi dayandırılmışdı. Səbəbi qaz pullarının yığılmaması ilə bağlı olub. Ş.Cavadov əlavə edib ki, Qaz İdarəsində bir neçə işçi cəzalandırılıb, hətta bəziləri işindən azad edilib. Məqsəd qaz pullarının yığımını yaxşılaşdırmaqdır.
Cavadov bildirib ki, əgər 10 günə pulların yığımında irəliləyiş olmasa, vəziyyət yenidən gərginləşəcək. Nəticədə şəhərə qazın verilişi növbəti dəfə dayandırıla bilər.