Bələdiyyə üzvlüyünə namizədlərin təbliğat kampaniyası ilə bağlı Mərkəzi Seçki Komissiyasına şikayət daxil olmayıb. Bu barədə Trend ə Mərkəzi Seçki Komissiyasının (MSK) katibi Natiq Məmmədov məlumat verib.
O bildirib ki, hazırda davam edən namizədlərin təbliğat kampaniyası MSK-nın nəzarəti altındadır və komissiyaya hər hansı pozuntularla bağlı şikayət edilməyib.
Qeyd edək ki, bu il oktyabrın 6-da 604 bələdiyyəyə təkrar, əlavə, yeni və ilk dəfə seçkilər keçiriləcək. Hazırda bələdiyyə üzvlüyünə namizədlərin təbliğat-təşviqat prosesi gedir və bu mərhələ səsverməyə 24 saat qalmış başa çatacaq.
