Müxalifətdəki Müsavat Partiyasının başqanı İsa Qəmbər Bolqarıstanın eks-prezidenti, Balkan Siyasi Klubunun prezidenti doktor Jelyu Jelevlə görüşüb. Bu barədə Trend ə Müsavat Partiyası mətbuat xidmətindən bildiriblər.
Qeyd olunub ki, görüşdə ölkədəki mövcud ictimai-siyasi durum, insan haqları və demokratiya sahəsindəki vəziyyət, Azərbaycanın Avropaya inteqrasiyası və onun perspektivləri, regional məsələlər, eləcə də Balkan Siyasi Klubunun təcrübəsindən Qafqazda da istifadə olunmasının mümkünlüyü məsələsi əsas müzakirə mövzuları olub.
