Heydər Əliyev adına Beynəlxalq Hava Limanında "İstanbul-Bakı" reysinin rəsmiləşdirilməsi zamanı Dövlət Sərhəd Xidməti (DSX) əməkdaşlarının vətəndaş Hüseynov Emin Rafiq oğluna qarşı şübhələri özünü doğrultmayıb. Bu barədə Trend ə Azərbaycan Dövlət Sərhəd Xidmətinin mətbuat mərkəzindən məlumat verilib.
"İstanbul-Bakı" reysinin rəsmiləşdirilməsi zamanı Azərbaycan vətəndaşı Hüseynov Emin Rafiq oğlunun pasportunda saxtalaşdırma əlamətinin olması şübhə doğurub. Sənədlərin yoxlanılması laboratoriyasında şübhənin əsaslılığı xüsusi texniki vasitələrlə yoxlanıldıqdan sonra pasport sahibinə qaytarılıb və vətəndaş E.Hüseynov ölkə ərazisinə buraxılıb.
Araşdırma zamanı qüvvədə olan qanunvericiliyin tələblərinə tam riayət olunub.