Oktyabrın 17-də Minskdə Aleksandr Lukaşenko və İlham Əliyevin Belarus və Azərbaycan arasında 2015-ci ilədək sosial-iqtisadi əməkdaşlıq haqqında müqavilə imzalayacağı gözlənilir. Trend in Belta-ya istinadən xəbər verdiyi kimi, bu barədə Belarus prezidentinin mətbuat xidmətindən məlumat verilib.
Azərbaycan prezidenti İlham Əliyevin Belarusa rəsmi səfəri zamanı bağlanması planlaşdırılan ikitərəfli sənədlər arasında beynəlxalq uyğunlaşdırılmış yük daşımaları haqqında hökumətlərarası saziş, o cümlədən bədən tərbiyəsi və idman, təhsil, kiçik sahibkarlıq, kənd təsərrüfatı sahələrində əməkdaşlıq haqqında saziş də var.