"Azəriqaz" tərəfindən Gəncə şəhərinə veriləcək qazın tam dayandırılması üçün son müddət noyabrın ayının axırına kimi uzadılıb. Bu barədə məlumatıTrendə Gəncə şəhər Qaz İstismarı İdarəsinin rəisi Ramiz İsmayılov verib.
Onun sözlərinə görə, vaxtın uzadılması Gəncə şəhər İcra Hakimimyyətinin başçısı Eldar Əzizovun "Azəriqaz"a mürajiətindən sonra mümkün olub. Vətəndaşların Gəncə Qaz İstismarı İdarəsinə olan borclarının ödənilməsi üçün Gəncə şəhər İcra Hakimiyyətində xüsusi komissiya yaradıb və bu sahədə artıq irəliləyişlər hiss olunmaqdadır.
Bu gündən başlayaraq Gəncənin bir sıra ərazilərində təbii qazın verilişi dayandırılıb. GQİİ-dən Trendə bildirdilər bu, şəhərə verilən qazın limitinin azaldılması ilə əlaqədardır. R. İsmayılov qeyd etdi ki, bu ilin 10 ayı ərzində şəhər sakinlərinin idarəyə 7 milyon YAM məbləğində borcu var. "Əgər ayın sonuna kimi ötən aydan qalan debitor borc və noyabr ayı üçün nəzərdə tutulan plan ödənilməsə, yenə də qazın kəsilməsi ehtimalı var" - deyə müsahib bildirdi.
