MDB dövlətlərinin baş nazirləri Minskdə keçirilən Birliyin hökümət başçıları Şurası iclasının nəticəsi olaraq əməkdaşlığın genişləndirilməsi məqsədilə bir sıra sənədlər imzalayıb.
RBK-ya istinadən Trend məlumat verir ki, MDB ölkələrinin avtomobil daşıyıcılarının əlavə təhsil və peşə səlahiyyətlərinə olan tələblərin
harmonizasiyası haqqında saziş imzalanıb, 2007-2010-cu illər üçün insan alveri ilə mübarizədə MDB dövlətlərinin əməkdaşlığı proqramı, eyni zamanda MDB dövlətlərinin informatizasiya sferasındakı əməkdaşlıq strategiyası təsdiqlənib. Bundan əlavə, 2007-ci ildə MDB dövlətlərinin hava əleyhinə birgə müdafiə sisteminin yaradılması və inkişafı üçün ayrılmış məbləğin verilməsi haqqında qərar da qəbul olunub.
RF-nın baş naziri Mixail Fradkov iclasın nəticələriylə bağlı qeyd edib ki, MDB dövlətlərində Birlik çərçivəsində işin effektivliyini artırmaq üçün bütün ehtiyatlar var. Bunula bərabər o qeyd edib ki, əməkdaşlığın potensialları hər bir dövlətin və MDB-nin bütövlükdə maraqlarını reallaşdırmalıdır. M.Fradkov xüsusilə qeyd edib ki, Rusiya Birlik daxilində inteqrasiya proseslərində rolu və məsuliyyəti başa düşür. O qeyd edib: "Biz MDB hüdudlarında kiməsə qarşı ikitərəfli şəkildə dostluq etməyə hazırlaşmırıq".
Baş nazir vurğulayıb ki, RF "Bir-birinin maraqlarına uyğun bütün hörmətəlayiq münasibətləri" alqışlayır.
Xatırladaq ki, Azərbaycanı iclasda baş nazir Artur Rəsizadə təmsil edib.