Naxçıvan MR Ali Məclisi Naxçıvan şəhərində üçüncü çağırış Naxçıvan MR Ali Məclisinin dördüncü sessiyasının çağırılması haqqında qərar qəbul edib. Bu barədə Trend in Naxçıvan Bürosu məlumat verir.
Qərara əsasən, yanvar ayının 10-a çağırılan sessiyada 2006-cı ildə Naxçıvan MR-in sosial-iqtisadi inkişafının yekunları, Naxçıvan MR-in 2006-cı il dövlət büdcəsinin icrası, regionun 2007-ci il üçün dövlət büdcəsinin təsdiqi edilməsi, Naxçıvan MR İnsan hüquqları üzrə müvəkkilinin (Ombudsmanın) hesabatı, Naxçıvan MR Ali Məclisi sədrinin fərmanlarının təsdiq edilməsi məsələləri müzakirə ediləcək.
Sessiyanın iclasına əlaqədar təşkilatların rəhbərləri, dövlət mətbuat orqanlarının nümayəndələri dəvət olunub.