Müxalifətyönlü Vətəndaş və İnkişaf Partiyası (VİP) dövlət qeydiyyatına alınmasına gömək göstərilməsi üçün beynəlxalq təşkilatlara müraciət edəcək. Bu barədə Trend ə açıqlamasında VİP sədri Əli Əliyev bildirib.
Onun sözlərinə görə, rəhbərlik etdiyi təşkilatın Ədliyyə Nazirliyində dövlət qeydiyyatına alınması üçün etdikləri müraciətlərə cavab verilməyib.
"Ona görə də gələn həftədən etibarən həm beynəlxalq təşkilatlara, həm də Azərbaycanda fəaliyyət göstərən diplomatik korpuslara müraciət edəcəyik."
Ə.Əliyev qeyd edib ki, bundan başqa müvafiq qurumların qarşısında etiraz aksiyaları keçirəcəklər və məhkəməyə müraciət edəcəklər.
Xatırladaq ki, Iətəndaş və İnkişaf Partiyası 2006-cı ildə Azərbaycan Milli İstiqlal Partiyasının keçmiş sədri Əli Əliyev tərəfindən yaradılıb. Lakin təşkilat hələ də dövlət qeydiyyatına alınmayıb.
VİP dörd müxalifət partiyasını birləşdirən "Azadlıq" siyasi blokunun üzvüdür.
