Ağdam rayonun Çıraqlı, Mürəşəlli, Əhmədağalı kənd sakinləri təsərrüfat işləri ilə məşğul ola bilmirlər. Trend in bölgə müxbirinə kənd camaatının verdiyi məlumata görə, hazırda soğan toxumunun səpin vaxtı olsa da, onlar işə başlaya bilmirlər. Kənd sakinlərinin sözlərinə görə, buna səbəb yanacağın qiymətinin artmasıdır. Onlar bildirirlər ki, torpağı şumlamaq və yaxud əkin sahələrinə toxum və azot gübrəsini səpmək texnika ilə aparılır. Qiymətlər 80-100%-ə gədər bahalaşıb.
Kənd sakinləri onlarıda bildirib ki, soğan toxumunun 1 kq qiyməti əvvəllər 40 manatdan 56 manata, 50 kq azot gübrəsi 8 manatdan 12 manata gədər bahalaşıb. Məsələ ilə bağlı Ağdam rayon icra hakimiyyətindən bildirdilər ki, sakinlərin üzləşdiyi problem ciddidir. Onlar bununla bağlı müəyyən tədbirlər görəcəklər ki, kənd təsərüfatı mallarının qiyməti bir o gədər də artmasın.
