Bu gün - yanvarın 18-də ABŞ Milli Demokratiya İnstitutunun Azərbaycan üzrə direktoru xanım Emi Şults ADP sədrinin birinci müavini Sərdar Cəlaloğlu ilə görüşüb. Bu barədə Trend ə Azərbaycan Demokrat Partiyasından (ADP) məlumat verilib.
Görüşdə Azərbaycandakı mövud ictimai, siyasi vəziyyət və ADP ilə MDİ arasında əməkdaşlıq məsələləri müzakirə olunub. Görüş zamanı E.Şultsa ölkənin əsas problemlərinə, o cümlədən demokratiyanın inkişafı ilə əlaqədar yaranmış problemlərə partiyanın münasibəti haqqında məlumat verilib. Görüşdə həmçinin Milli Demokratiya İnstitutu ilə ADP arasında əməkdaşlığın daha da genişləndirilməsi haqqında razılıq əldə olunub.