Azərbaycan və Almaniya arasında əməkdaşlığa dair bir sıra saziş layihələri hazırlanır. Bu barədə Trend ə eksklüziv olaraq, Azərbaycanın Almaniyadakı səfirliyinin ikinci katibi Nəsimi Ağayev xəbər verib.
Onun sözlərinə görə, sənədlər layihəsi iki ölkə arasında müxtəlif sahələrdə əməkdaşlığı əhatə edir. Diplomatın qeyd etdiyinə görə, Azərbaycan və Almaniya arasında müqavilə - hüquqi baza artıq kifayət qədər zəngindir. İkiqat vergiqoyulmadan qaçmaq barədə və kənd təsərrüfatı sahəsində əməkdaşlığa dair bu yaxınlarda imzalanmış sazişlər iqtisadi əməkdaşlığın gələcək inkişafına müsbət təsir göstərəcək.
