MDB İcra Katibiliyinə istinadən Trend xəbər verir ki, MDB üzv-ölkələri sərhəd qoşunları komandanları şurasının növbəti iclası aprelin 12-13-də Yerevanda keçiriləcək.
Şura keçən il üçün orqanın fəaliyyəti barədə hesabatı dinləyəcək, Birlik üzv-ölkələri arasında əməkdaşlığın gələcək inkişaf ilə bağlı tədbirlər planını təsdiq edəcək.
Qeyd edək ki, bu orqanın yaradılması barədə qərar 1992-ci ildə qəbul edilib. Şuranın iclası lazım olduğu təqdirdə, lakin rübdə bir dəfədən az olmamaq şərtilə keçirilir.