BMT-də fəaliyyət göstərən Təmsilçiliyi Olmayan Millətlər Təşkilatı (UNPO) Güney Azərbaycanla birlikdə 6 millətin bu quruma üzvlüyü haqda rəsmi açıqlama yayıb. Trend in məlumatına görə, rəsmi açıqlamada İranın şimalında yaşayan Güney Azərbaycan xalqının öz müqəddəratını təyinetmə hüququ uğrunda mübarizə apardığı əksini tapıb.
"Beynəlxalq təşkilatlar və qurumlarda təmsil olunmayan bütün millətlər və xalqları səs haqqı (təmsil olunma haqqı) ilə təmin etməyi əsas götürərək, Təmsil Olunmayan Millətlər Təşkilatının yeni Rəyasət Heyəti artıq UNPO-ya qəbul edilmiş 6 millətin üzvlüyünü təsdiq edib. Bunlar Hmong ChaoFa, Inner Mongolia, İranian Kurdistan, Rehoboth Basters, Southern Azerbaijan, Tsimshian milllətləridir"-deyə sənədə bildirilir.
UNPO-nun Güney Azerbaycanla bağlı açıqlamasında deyirlir: "İranda yaşayan bütün milli azlıqların durum və şəraitinin yaxşılaşdırılması məqsədi ilə fəaliyyət göstərən Güney Azərbaycan Milli Oyanış Hərəkatı (GAMOH) İranın şimal-qərbində yaşayan Azərbaycan türklərini təmsil edir və indiki halda "öz müqəddəratını təyinetmə" haqqının təmin olunması uğrunda dinc mübarizə aparır".