2000-ci, 2001-ci ildə biz də dialoq təklifi ilə çıxış edəndə bu ideyamızı süngü ilə qarşıladılar. Amma hər kəs bunu qəbul etməlidir ki, Azərbaycanda siyasi dialoq lazımdır". Bu fikirləri Trend ə açıqamasında Klassik Xalq Cəbhəsi Partiyasının (KXCP) sədri Mirmahmud Mirəlioğlu bildirib.
O, ADP-nin hakimiyyətlə dialoq qurulması qərarına münasibətini açıqlayarkən deyib ki, bu, əslində yeni təklif və yeni siyasi proses deyil. M.Mirəlioğlunun fikrincə, ADP-nin təklifi sıradan bir təklifdir və yeni siyasi şərait yaratmayacaq. Bu qərar ADP-nin öz daxilində təlatüm yaradıb: "Buna baxmayaraq, hər bir partiyanın belə təşəbbüsü normal qarşılanmalıdır. Hesab edirəm ki, Azərbaycanda iqtidarla müxalifət arasında tərcüməçisiz dialoq aparılmalıdır. Biz birimiz Ermənistan, birimiz Azərbaycan tərəfi deyilik. Hər iki düşərgədəkilər azərbaycanlılardır, eyni ölkənin vətəndaşlarıdır və hamımız Azərbaycan dilini bilirik. Ona görə də eyni millətdən olan siyasi tərəflərin bir araya gətirilməsi üçün beynəlxalq təşkilatların, xarici qüvvələrin vasitəçiliyinə, təşkilatçılığına ehtiyac olmamalıdır"-deyə KXCP sədri vurğulayıb.
