Azərbaycan, Bakı / Trend müxbir A.İsmayılova/ Azərbaycan prezidenti İcra aparatının xarici əlaqələr şöbəsinin müdiri Novruz Məmmədov soyqırımla bağlı dünyanın bütün ölkələrində keçirilən aksiyaları şərh edərkən bu gün bəyan edib ki, ermənilər Xocalı faciəsinə görə məsuliyyətə cəlb olunacaqlar.
O bildirib ki, Heydər Əliyev Fondunun, eləcə də başqa təşkilatların dəstəyi ilə Azərbaycan səfirlikləri tərəfindən həyata keçirilən bu aksiyalar dünya ictimaiyyətinin ermənilərin törətdiyi əməllər, onların 20-ci əsrdə törətdikləri soyqırım haqqında məlumatlandırılmasına yönəldilib. N.Məmmədov hesab edir ki, bu məsələdə dünya ictimaiyyətinin mövqeyi dəyişməlidir və Azərbaycan gec və ya tez ədalətin bərqərar olmasına nail olacaq.