Azərbaycan,Bakı/müxbir Trend A.İsmayılova/NATO baş katibinin müavini, Cənubi Qafqaz və Orta Asiya üzrə xüsusi nümayəndə Robert Simmons 16-18 mart tarixində rəsmi səfərlə Bakıya gələcək.
Azərbaycanın NATO-dakı nümayəndəliyindən verilən məlumata əsasən, Simmons Azərbaycanın müdafiə və xarici işlər nazirliklərində görüşlər keçirəcək. Martın 16-da xüsusi nümayəndənin Azərbaycana səfərinin yekunlarına həsr olunmuş mətbuat konfransı keçiriləcək.