Azərbaycan, Bakı / Trend müxbir İ.Əlizadə/ Azərbaycanın Avropa Şurası Parlament Assambleyasındakı (AŞPA) nümayəndə heyətinin rəhbəri, Milli Məclisin Beynəlxalq münasibətlər və parlamentlərarası əlaqələr daimi komissiyasının sədri Səməd Seyidovun başçılığı ilə parlament nümayəndə heyəti qurumun Monitorinq Komitəsinin iclasında iştirak etmək üçün martın 26-d Fransanın Strasburq şəhərinə yola düşüblər. Nümayəndə heyətinin tərkibinə deputatlardan Gültəkin Hacıyeva və Aydın Abbasov daxildirlər. Səfər martın 29-na kimi davam edəcək.
AŞPA-a Monitorinq Komitəsinin iclasında Azərbaycanın və Monakonun təşkilat qarşısında öhdəliklərinin yerinə yetirilməsinə dair məruzələrin layihələri müzakirə olunacaq. İclasda həmçinin Ukraynaya edilmiş faktaraşdırıcı səfərin nəticələri, Albaniyada keçirilmiş bələdiyyə seçkilərinin yekunları, İtaliyada elektron medianın inhisarı barədə məsələlərə baxılacaq, Bosniya-Hersoqovina, Gürcüstan və Serbiyaya gözlənilən faktaraşdırıcı səfərlərlə əlaqədar fikir mübadiləsi aparılacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
