Ukrayna prezidenti Viktor Yuşşenko Gürcüstan, Moldova və Azərbaycanı Ukrayna və Polşada AVRO-2012 futbol birinciliyinin keçirilməsinə hazırlıq çərçivəsində layihələrdə iştirak etməyə dəvət edib. Prezident təklifini bir gün əvvəl Krakovda (Polşa) enerji sammitində Azərbaycan prezidenti İlham Əliyev və Gürcüstan prezidenti Mixail Saakaşvili ilə görüşündə səsləndirib.
"Ukrayna prezidenti qeyd edib ki, demokratiya və iqtisadi inkişaf naminə təşkilat mövqeyi olan GUAM-ın (Gürcüstan, Ukrayna, Azərbaycan, Moldova) fəaliyyət istiqamətlərindən biri GUAM ölkələrinin AVRO-2012-yə hazırlıq üzrə birgə tədbirləri ola bilər", V.Yuşşenkonun mətbuat xidməti məlumat verib.
Dövlət başçıları Kiyevdə GUAM katibliyinin işə başlaması ilə bağlı və bu təşkilatın 2007-ci ilin iyununda Bakı sammitinə hazırlıq işini müzakirə edib. İyunun 1-dən təşkilatın Kiyev ofisində sammitə hazırlıq üzrə işçi qrup fəaliyyətə başlamalıdır. Bu barədə RBK məlumat verib.
Tərəflər həmçinin GUAM ölkələrinin birgə sülhməramlı batalyonunun yaradılması imkanını da nəzərdən keçirib və qaynar nöqtələrdə münaqişələrin həllinə yanaşmaların razılaşdırılmasını müzakirə edib. Demokratiya və iqtisadi inkişaf naminə təşkilat - GUAM-ın əsası Azərbaycan, Gürcüstan, Moldova və Ukrayna tərəfindən 23 may 2006-cı il tarixdə GUAM-ın Kiyev sammitində qoyulub. GUAM-ın konseptual əsası ilk öncə onun üzv dövlətlərinin Avro-Asiya-Transqafqaz nəqliyyat dəhlizinin yaradılmasından ibarətdir.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
