Azərbaycan, Bakı / Trend müxbir İ.Əlizadə/ Azərbaycanda ictimai yerlərdə siqaret çəkməyi qadağan edən qanun qəbul olunmalıdır. Bu barədə bazar ertəsi Bakıda Milli Məclisin Sosial siyasət daimi komissiyasının üzvü, millət vəkili Elmira Axundova bildirib.
Axundova qeyd edib ki, ictimai yerlərdə siqaret çəkməyi qadağan edən qanun hazırlamağı planlaşdırır: "Dünyanın bir çox ölkələrində belə bir qanun qəbul olunub. Hesab edirəm ki, Azərbaycanda da belə bir qanunun olmasına ehtiyac var".
Millət vəkili bildirib ki, parlamentin payız sessiyası başlayandan sonra ictimai yerlərdə siqaret çəkməyi qadağan edən qanunun layihəsi üzərində işləməyə başlayacaq.