Azərbaycan, Bakı/ Trend müxbir S.Ağayeva/ Azərbaycan prezidenti İlham Əliyev Küveytə rəsmi səfər edəcək. Küveytin əmiri adından dəvəti Əliyevə cümə günü Bakıda rəsmi səfərdə olan Küveytin baş nazir müavini və xarici işlər naziri şeyx Məhəmməd əl-Salim əs-Sabah təqdim edib.
Dövlət başçısı Küveyt və Azərbaycan arasında əlaqələrin uğurlu inkişafını qeyd edərək, bütün sahələrdə, o cümlədən beynəlxalq təşkilatlarda əməkdaşlığın genişlənəcəyinə əminliyini bildirib.
Şeyx Məhəmməd əl-Salim əs-Sabah qeyd edib ki, Küveytin Azərbaycanda səfirliyinin açılması Azərbaycanla əlaqələrə verilən böyük önəmin göstəricisidir. Şeyx ölkələrimiz arasındakı əməkdaşlığın və siyasi dialoqun bundan sonra da inkişaf edəcəyinə ümid etdiyini bildirib.