Azərbaycan, Bakı / Trend müxbir İ.Əlizadə/ İyunun 16-da Milli Məclisin yaz sessiyası başa çatır. Bu barədə Milli Məclisin mətbuat xidmətindən məlumat verilib.
İyunun 16-da parlamentin növbədənkənar iclası keçiriləcək və bununla da yaz sessiyasına yekun vurulacaq.
İclasda Azərbaycan Respublikası Ali Məhkəməsinə və yeni yaradılan regional apellyasiya məhkəmələrinə- Bakı, Gəncə, Sumqayıt, Əli Bayramlı və Şəki apellyasiya məhkəmələrinə hakimlərin təyin olunması, Ali, Apellyasiya və İqtisad məhkəmələrinin hakimlərin vəzifədən azad olunması məsələsinə baxılacaq.
Qanunvericiliyə əsasən Milli Məclisin yaz sessiyası fevralın 1-də başlayır və mayın 31-də başa çatır. 42 deputatın müraciəti əsasında parlamentin sessiyasının müddəti artırıla bilər. Belə bir müraciət əsasında yaz sessiyasının müddəti artırılıb.
Qanunverici orqanın payız sessiyası oktyabrın 1-də başlayacaq.