Azərbaycan, Bakı/ Trend müxbir C.Ağayeva/ Bakıda Avstriya prezidenti Xaynts Fişerin Azərbaycana qarşıdakı rəsmi səfərinə hazırlıq məsələləri müzakirə olunacaq.
Azərbaycanın Avstriyadakı səfiri Fuad İsmayılovun çərşənbə günü telefonla verdiyi məlumat görə, müzakirələr sentyabrın 19-20-də Avstriyanın iqtisadiyyat və əmək naziri Martin Bartenştaynin Azərbaycana səfəri çərçivəsində baş tutacaq.
Avstriya rəhbərinin səfəri təqribən 2008-ci il üçün nəzərdə tutulub.
Azərbaycana həmçinin Avstriyanın federal xarici işlər naziri Ursula Plassnikin səfəri də planlaşdırılıb. "Onun səfəri isə Avstriya prezidentinin səfəri ilə bağı deyil. O, prezidentdən əvvəl də, sonra da gələ bilər",-deyə İsmayılov bildirib.
Azərbaycanın xarici işlər naziri 2005-ci ilin sentyabrında Avstriyada rəsmi səfərdə olub. Indi isə avstriyalı nazirin Azərbaycana cavab səfəri gözlənilir.