Azərbaycan, Qazax, 15 fevral / Trend , müxbir N.Fətullayeva/ Qazax rayonunda ana və uşaq ölümlərinin sayı əvvəlki illərlə müqayisədə artıb. Bu barədə cümə günü Trend ə Rayon Mərkəzi Xəstəxanasının baş həkimi Arzu Novruzov məlumat verib.
2006-cı ildə rayonda doğuş zamanı iki uşaq ölümü qeydə alınıb. Ana ölümü isə olmayıb. Ölü doğulan uşaqların sayı isə 14 nəfər təşkil edib.
Novruzov bildirib ki, ötən il rayonda 2 ana və 6 uşaq ölümü baş verib, həmçinin 17 ananın uşağı ölü doğulub.
Baş həkim bu cür halların xəstəxanada lazımi avadanlıqların və şəraitin olmaması ilə bağlı olduğunu söyləyib. "Xəstəxanada hamilə qadınların stasionarda qalması üçün şərait, həmçinin onların təcili xidmətdən yararlanması istənilən səviyyədə deyil. Bu səbəbdən xəstəxanaya lazımi kadrları da cəlb etmək çətindir" Novruzov deyib.
Baş həkim ötən il baş vermiş uşaq ölümlərinə görə 4 həkimə töhmət verildiyini və 2 nəfərin işdən azad edildiyini bildirib.
Qazax paytaxt Bakıdan 520 kilometr qərbdə yerləşir.
Müəlliflə əlaqə saxlamaq üçün elektron ünvan - [email protected]
