Azərbaycan, Bakı, 02 may / "TrendLife" müxbir Şahin Cavadsoy/
Düşünürük ki, xalq artisti Flora Kərimovanın etdiyi açıqlama gənc müğənniləri təşvişə salacaq. Mahnılarının müdafiəsinə qalxan müğənni: "Əvvəllər bizim Qızıl Fonddan mahnıları ifa etmək istəyən gənc ifaçılara rədd cavabı verə bilmirdim. Lakin indi bu praktika neqativ anlarla dolu olduğu üçün qəti addımlar atmaq fikrindəyəm. Gənc müğənnilər məndən inciməsin. Əgər onların mənim kimi ifaçıların repertuarından mahnı ifa etmək cəsarətləri varsa, bunu yüksək səviyyədə etsinlər" - deyib.
Flora xanım iyunun əvvəlində pərəstişkarlarına yeni albom töhfəsi edəcəyini söyləyib.