Azərbaycan, Bakı, 7 may /müx. TrendLife Eldar Hüseynzadə
TrendLife-da olan məlumata görə, bu gün Muzkomediya teatrına Əliqismət Lalayev direktor təyin olunub. O, 1982-ci ildən 1988-ci ilə qədər Naxçıvan Dövlət Musiqili Dram Teatrında baş rejissor, 1993-cü ildən 1996-cı ilə kimi isə Dövlət filarmoniyasında müdür müavini vəzifəsində çalışıb. Yeni direktor barədə xalq artisti Afaq Bəşirqızı TrendLife-a bunları söyləyib. "Əliqismət müəllimin teatrı gəlişi təsadüfü deyil. Onun teatrın inkişafına aid ikiillik planı var. Ə. Lalayev teatra dünən gəlməyib. Öz işini çox gözəl bilir. Hesab edirəm ki, onun teatra gəlişi hamının xeyrinə olacaq".
Xatırladaq ki, Hacıbaba Bağırovun ölümündən sonra teatra Elxan Ocaqov rəhbərlik edirdi. Hazırda isə teatrda müdür müavini vəzifəsinə təyin olunub.